रंग माझ्या लेखणीचे

असा मी सुखाची नसे मला तहान दुःख एवढे भोगले मी करत नाही मी कोणाचा अपमान मान अपमानाच्या पलीकडे मी नाहीत  मूल्य तत्व माझी  लहान प्राणाहून मला प्रिय ती कोणालाही काही न मागेन   हात पसरवणे न जमे मला जीवनाची लढाई एकटा लढेन सोबत नसेलही कोणीजरी वर जावून पर्मेश्वराला सांगेन जगलो जीवन तू दिले तसे ©  महेश भा. रायखेलकर

हायकू कविता तू माझ्यासाठी स्वर्गातील अप्सरा माझा फाटका सदरा ************ येता जाता बघतेस काय मारेल तूझी माय ************** देवाने दिलंय तूला भरभरून गेलीस गर्वाने फुलून ************** तुझा मलूल चेहरा पहावत नाही कसा होईल तो हसरा *************** देव तारी त्याला कोण मारी चिरडून मेले देवाच्या दारी ****************** पोराने चांगले पांग फेडले वृद्धश्रमात ठेवले **************** कोण गेलास तु रे लागून देवही झाला प्रसंगी दास ****************  मोठेपणी तू  कोण होणार मोठा होणार ************** काहीच तूला कसे कळत नाही भाव माझा चांगला ************* माझ्या घराची तू ग राणी भरतो मी पाणी ************

मुक्त छंदातील हायकू प्रत्येक गोष्टीत राजकारण विकास न होण्याचे तेच  एक कारण ============= सत्य हरत नाही असं म्हटलं जातं खरं का ते असतं ? ============= साधू कसले हे संधीसाधू श्रद्धाळू फसले ============ नको पाहूस माझा असा अंत सोसवेना त्रास ============ चंद्र सूर्य रोजच उगवतात पगार न मागतात ============= वेळेला द्या महत्व यशस्वी होण्याचे हेच एक सत्व =========== जीवन हि सुंदर मरण हि सुंदर जगणे सुंदर फार =========== डोळ्याने टिपतो तुझे सौदर्य वासनेला वाव नसतो ============ तुझ्या मिठीत मी विसावतो दुःख विसरतो ============ तुझी चाल मी बेहाल लाजून तू लालेलाल ============ © महेश भा. रायखेलकर

काही हायकू प्रेम करतेस मग सांगत का नाही? का अशी छळतेस?                                                                                           ************** बरे नव्हे असे वागणे गुमान राहणे स्वतःला छळणे ************* माहित आहे तू आहेस माझ्या प्रेमात पण पुरावा लागतो ना जनात ********************* तुझ्यासाठी सोडले मी घरंदारं तू मानलीस हार ****************** तुझे पैंजण वाजे छुन छुन मी गेलो हरपून ****************  तुझ्या आणि माझ्यात ना उरले अंतर मृत्यू आला तरी बेहत्तर ***************** तुझे अन माझे मन जुळले अंतर कसले *************** जे तुझ्या मनात तेच माझ्या मनात कशाला हवी भ्रांत ? ************* तुझे अन माझे बंध तुटले छळणे उरले ************ जो जिंकला तोच सिकंदर नको खरखर ********...

हायकू कविता शरीराचे भोग भोगलेच पाहिजेत फक्त शांततेत ************* दुःखातच  कोण आपलं कोण परकं ते कळतं सुखात सारं जग धावतं **************** तू घरी असतांना फार मजबूत वाटतं गळून पडतो तू नसतांना ***************** जीवाची होते माझी घालमेल तू नखरेल **************** मान-सन्मानासाठी मी लिहीत नाही लिहितो मन भरण्यासाठी ******************* धीर दिलास तू मला म्हणून चालू श्वास ***************** जे माझे ते तुझे नको मानूस ओझे ************** तुझा मी माझी तू का मनात किंतु ************** एकमेकांच्या साथीने चालतो संसार करावा सारासार विचार ****************** राजकारण म्हणजे एकमेकांवर ओरडणे अन जनतेला लुबाडणे ***************

पु स्तक परिचय "मृत्युंजय" (कादंबरी) पुस्तक : मृत्युंजय (कादंबरी) लेखक : श्री. शिवाजी सावंत प्रकाशन  :  कॉंटिनेंटल  पृष्ठ संख्या : ६०१                   "मृत्युंजय" या  कादंबरीने  मराठी साहित्यविश्वाला  एका उंचीवर नेवून ठेवले आहे. लेखक श्री. शिवाजी सावंत यांनी आपल्या सिद्धहस्त लेखणीने महाभारतातील "कर्ण" या उपेक्षित, शापित  नायकाचा जीवनपट अशारितीने रेखाटला आहे कि वाचकाच्या मनात त्याच्याबद्धल सहानभूती व आदर निर्माण झाल्याशिवाय राहात नाही.                    समस्त सृष्टीला प्रकाश व जीवन देण्याया  प्रत्यक्ष सूर्याचा "कर्ण" हा  पुत्र. पण आपले जन्माचे रहस्य माहीत  नसल्याने आयुष्यभर उपेक्षित व अपमानित होवून आपले जीवन व्यतीत करतो  व शेवटी आपण कोण आहोत हे कुंती व श्रीकृष्ण यांच्याकडून समजून सुद्धा आपले कर्त्यव्य व मित्र धर्मापासून तो तसूभरही मागे हटत नाही. युद्धात आपण अधर्माच्या बाजूने लढतो आहोत व यात आपला ...

हायकू कविता तुझ्या डोळ्यात स्वतःला पहातो पहातच रहातो --------------- तू माझी मी तुझा मंडपात काझी ------------ सांग कधी होणार तू माझी दूर कर शंका आधी --------------- कशाला पाहिजे वशिला सूर्याच्या तेजाला ---------------- नको अशी दूर तू जाऊस अंतर वाढवूस ------------------ पाहुनी तुझे सौदर्यं देव हि यावा धरणीवर तुझा होण्यास वर ------------------ देव आकाशी राहतो खाली पहातो भक्ताला तारतो -------------- सांग भेटशील का तिन्ही सांजेला सूर्य मावळलेला ---------------- नदी मिळे सागराला पक्षी उडे आकाशाला निसर्ग नटलेला ----------------- नजर लागेल तूला कोणाची आंधळ्याची --------------- ©  महेश भा. रायखेलकर

हायकू कविता काळ आला होता पण वेळ आली नव्हती यमाच्या न लागलो हाती =============== अक्कल दाढ तेव्हाच येते जेव्हा शहाणपण संपते   =============== डाव मी खेळलो मनासारखा न मोजल्या तारखा ============= नात्यात जेव्हा संवाद हरवतो ओलावा संपतो ========= तुमच्या सारखे तुम्हीच असता चोरी का करता ========== डाव मांडून मोडू नको खेळ सोडू नको ========== कोर्टाची पायरी चढू नये अनुभवाची शिदोरी ============ कोल्हापूरची मिरची लागते तिखट कोल्ह्याला द्राक्षे आंबट ============= प्रेमात सारे जण पडतात काहीच निभावतात ============ कालची सून आजची सासू तावूनसुलाखून

  हायकू १. प्रेम करून पहावे सफल होईल का? ते ना विचारावे २. माणसाने माणसाला    माणसासारखे वागवावे    जनावर न व्हावे ३. पोटाला लागेल    तेवढे  जरूर खावे    खाण्यासाठी न जगावे ४. सकाळच्या प्रहरी     थोडे फिरुनी यावे     दिवसभर तरतरीत रहावे ५. पाहुनी तुझ्या नाकातील मोरणी     जीव गेला त्यात माझा     पुरता हरवुनी ©  महेश भा. रायखेलकर     

धावपळीची सकाळ अशी सकाळ सकाळ पुरती होई धावपळ साधा श्वासही घ्यायला नसे मिळे पुरेसा वेळ अशी सकाळ सकाळ झाला  उठायला थोडा उशीर पुढच्या सगळ्या कामांची लागे  वाट अन घरघर  अशी सकाळ सकाळ कोणाचा आला त्यात फोन तो घेवून  त्यावर बोलतांना जीव जातो पुरता वैतागून अशी सकाळ सकाळ पोरगं उठायला करे  किरकिर त्याच्या स्कुलची प्रिंसिपल वाटे उभी आहे माझ्या समोर अशी सकाळ सकाळ त्यात वाचे मी पेपर बायको आतून ओरडे अहो आवरा कि हो  भरभर अशी सकाळ सकाळ कधी चालू केली मी मस्करी मुलगा बायको पाहून ती आपल्या डोक्यावर हात मारी अशी सकाळ सकाळ त्यात झाले जर भांडण करून राग अन तणतण अख्ख्या दिवस होई घाण अशी सकाळ सकाळ आला त्यात मित्र-पाहुणा घरी आलेला त्यांना  पाहून  जीव होई माझा केविलवाणा अशी सकाळ सकाळ बायको देई करून नाष्टा रुचकर  धावपळीने  आलेला  शीण खातांना क्षणात होई  दूर अशी सकाळ सकाळ सोडलं मुलाला  वेळेवर मी ओफिलसला जावून देई समाधानाची ढेकर अश...

माझे प्रेम  प्रेमात घातले मी स्वतःलाच कुंपण नाही घेतले तिचे एकदाही चुंबन ! असतील समजून सगळ्यांच्याच आमच्यावर   नजरा नाही माळला तिच्या वेणींत मी गजरा ! तिचा बाप सदाच आमच्या प्रेमाला नाडी नाही घेतली तिला एकही साडी ! नोकरी साठी फिरे मी अनवाणी नाही देवू शकलो तिला हॉटेलात मेजवानी ! मूल्य-संस्काराचे भूत सदाच माझ्या पाठी नाही मारली तिला एकदाही मिठी !  तिच्या घरासमोर बांधलं होतं  भलंमोठं  कुत्र नाही पाठवलं तिला एकही प्रेमपत्र ! तिच्यासोबतच्या सुखी - संसाराची बांधली मी इमले तिच्या नकाराने सारेच थांबले !  तिच्या नकाराने सारेच थांबले !! ©  महेश भा. रायखेलकर

प्रेम भंग जीवंतपणी मी भोगतोय मरण प्रेमाचे आज माझ्या झालंय  सरण सोडून गेली ती मला एकाकी तिच्या जीवनातून झाली माझी वजाबाकी भास होई ती आहे माझ्या जवळ कधी हा संपणार जीवघेणा खेळ तिच्यावाचून जीव होई माझा कासावीस जशी पाण्याची आस कोण्या तहानल्यास सतत येई मला तिचीच आठवण आसवांची धार वाही माझ्या डोळयातून सरला जीवनातील आनंदाचा काळ हेच का माझ्या हाती माझ्या प्रेमाचे फळ मला वाटे ती येईल परत फिरून मनात उमले एक आशेचा किरण   केला नाही तिने माझा थोडाही विचार कसा वाहू तिच्या वाचून जीवनाचा भार संपले आज एक सुंदर-गोड  स्वप्न कटू सत्याचा आता झाले मला ज्ञान चालावी लागेल वाट तिच्या वाचून भावनेला मनाच्या कुपीत ठेवून जा जा  असा जीवनाचा अंत नाही मी  करणार पहिले प्रेम आहे माझे माझ्या जन्मावर ©  महेश भा. रायखेलकर

मी एक सज्जन  बालपणी बाहेरच्यांनी काही दिलं तर मी खात नाही मित्रांची खेळणी घरी चोरून मी  आणत नाही शाळेत उगाचच  कोणाला त्रास मी  देत नाही आईबाबांकडे फालतू हट्ट मी करत नाही स्वतःच्या फायदयासाठी खोटे मी बोलत नाही कारण कि मी सज्जन असतो कॉलेजमध्ये मुलींची छेड मी काढत नाही सदाच तास बुडवून कॅन्टीन मध्ये मी बसत नाही कॉपी करून परीक्षेत पास मी  होत नाही अश्लील सिनमे थेटरात जाऊन मी पाहत नाही कानात डूल व शर्टाची उघडी बटणे ठेवून मी  फिरत नाही कारण कि मी सज्जन असतो लाच देवून कोठे नोकरीला मी चिटकत नाही नौकरीमध्ये भ्रष्ट्राचार करून पैसा मी कमवत नाही उद्योग-धंद्यात छक्केपंजे करून  पुढे मी  जात नाही प्रमोशनसाठी वरिष्ठांची हांजी-हांजी मी करत नाही कर्जांचे हप्ते तटवून ते मी बुडवत नाही बाई-बाटली-जुगार असली व्यसने मला जडत नाहीत कारण कि मी सज्जन असतो हुंडा-मानपानासाठी सासर्र्यांकडच्यांना छळत मी नाही  बायकोला कमी लेखुन त्रास मी  देत नाही  नाते...

प्रेमाचे आर्जव  जे डोळ्यातून सांगतेस तेच ओठातून सांग आतुर झालेत माझे ऐकायला कान कितीदिवस अशी अबोल राहणार सांग  मला अशी तू किती छळणार प्रेमाचा वसंत ऋतू कधी येणार माझ्या मनाची हुरहूर कधी संपणार टाक माझ्या पदरात प्रेमाचे तू दान बहरून येईल आपल्या प्रीतीचे झाड छान देवू  नकोस माझ्या मनाला एवढा तू ताण गाऊ आपण दोघे प्रीतीचे सुंदर गाणं रात्रंदिवस तुझाच विचार माझ्या मनात मला वाटे तू काही बोलली माझ्या कानात कधी भेटणार तुझ्या सोबतचा मला एकांत प्रेमाचे हितगुज केव्हा करणार आपण  दोघे निवांत मला वाटे आपण बनलो एकमेकांसाठी त्या शिवाय पडल्या का आपल्या गाठी न ठेवावे वेडे असे गुपित मनात मी कोठे म्हणतो सांगावे ते चारचौघात जाणून आहे मला तुझ्या काय आहे मनात पण सांगावेच लागेल तुला ते मला शब्दात जेव्हा तुझे शब्द उतरतील माझ्या ह्र्दयात तेव्हा  आपल्या प्रेमाच्या अध्यायास होईल सुरवात ©  महेश भा. रायखेलकर

थोडं थांबूया, नंतर  कृती करूया  खटकणारं बोललंच पाहिजे का? थोडं चूप रहावं दुसरे लागण्यासारखं बोलले तर कसं वाटेल ? ते आपल्या मनाला पुसावं अपमान केलाच पाहिजे का ? थोडं गप्प  रहावं इतरांनी मान दिला नाही तर कसं वाटेल ? हे आपल्या मनाला पुसावं रागावणं केलंच पाहिजे का? थोडं शांत बसावं दुसऱ्यांनी संताप केला तर कसं कसं वाटेल ? हे आपल्या मनाला पुसावं टिंगल- टवाळी केलीच पाहिजे का ? थोडं चूप रहावं दुसऱ्यांनी  टपली मारली तर कसं वाटेल ते आपल्या मनाला पुसावं निंदा-नालस्ती  केलीच पाहिजे का ?  थोडं शांत  रहावं दुसऱ्यांनी   द्वेष - तिरस्कार  केला तर कसं कसं वाटेल? ते आपल्या मनाला पुसावं खोटं-नाट वागलं पाहिजे का ? थोडं चांगलं वागावं इतरांनी लांडी- लबाडी केली तर कसं कसं वाटेल ? हे आपल्या मनाला पुसावं फसवणूक केलीच पाहिजे का ? थोडं प्रामाणिक राहावं दुसऱ्यांनी  टोपी घातली  तर कसं कसं वाटेल ? ते आपल्या मनाला पुसावं ताठ वागलंच पाहिजे का का ? थोडं नम्र रहावं दुसऱ्यांनी  ...

खरं सुख  मोठा बंगला नसला  तरी चालेल  घराला घरपणं असलं  पाहिजे मुलं उच्चं    नाही शिकली  तरी चालेल  चांगला माणुस बनली पाहिजे दारात  चार चाकी नसली तरी चालेल   रात्री झोप  शांत लागली पाहिजे बायको सुंदर नसली तरी चालेल मनाने सुंदर  असली पाहिजे जावई गर्भश्रीमंत नसला तरी चालेल  निर्व्यसनी  तो असला  पाहिजे सून श्रीमंताची  नसली तरी चालेल  संस्कारी  ती असली पाहिजे गाठी मालमत्ता  नसली  तरी चालेल  अंगी नीतिमत्ता  असली पाहिजे श्रीमंत झालोत  नाहीत तरी चालेल  शरीर उत्तम राहिलं   पाहिजे ओळखी खूप  नसल्या तरी चालेल चार जीवंलग  मित्र  असली  पाहिजे मोठा गोतावळा नसला तरी चालेल काही आपुलकीची नाती जोडली   पाहिजे शेवटी जास्त काही कमवलं नाही तरी चालेल मनाला शांती    लाभली पाहिजे © महेश भा. रायखेलकर

मानवी  इच्छा परीक्षेत चांगले मार्क मिळावेत हि एक इच्छा ! उच्चं शिक्षणासाठी चांगले कॉलेज मिळावे हि एक इच्छा !  चांगले करीअर घडावे  हि एक इच्छा ! मोठया पगाराची नोकरी मिळावी  हि एक इच्छा ! नोकरी-व्यवसायात उच्चं पदावर जावे हि एक इच्छा ! सुंदर-सुस्वभावी बायको मिळावी  हि एक इच्छा ! सुदृढ मुलं-बाळ व्हावीत हि एक इच्छा ! परदेशवारी व्हावी  हि एक इच्छा ! स्वतःचे घर असावे  हि एक इच्छा ! घरासमोर चार चाकी असावी  हि एक इच्छा ! हाताखाली नोकर-चाकर असावेत हि एक इच्छा ! घरात सर्व प्रकारची सुबत्ता असावी  हि एक इच्छा ! शरीर-प्रकृती उत्तम असावी हि एक इच्छा ! मनःशांती मिळावी  हि एक इच्छा ! कोर्ट-कचेरीची मागे झंझट नसावी हि एक इच्छा ! समाजात नाव लौकिक मिळवावा  हि एक इच्छा ! समाजसेवा हातून घडावी हि एक इच्छा ! प्रेमळ मित्रपरिवार असावा हि एक इच्छा ! आपुलकीची नाती-मंडळी  असावीत हि एक इच्छा ! मुलांनी शिकून मोठे व्हावे हि एक इच्छा ! भरपूर संपत्ती गाठी असावी हि एक इच्छा ! जावई-सून चांगली मिळावीत हि एक इच्छा ! नातवंड-पतवंड अंगा-खा...

कवितेचा छंद आणी  बायकोशी वाद  एके दिवशी बायको म्हणाली नका तुम्ही कवितेच्या छंदात पडू हे ऐकून मला  आलं कि हो रडू !! मी  हि मग  रागातच म्हणालो  ठीकंय ....तर मग ऐक रिकामा वेळ असेल तेव्हा  सिगरेट ओढत बसतो ! नाहीतर फावल्या वेळेत  तंबाखु-गुटका मी खातो !  जेव्हा निवांत असेल तेव्हा  दारू ढोसत बसतो ! नाहीतर  नुसत्याच मग चिकाटया मारत बसतो ! मोकळ्या वेळेत उगीचच  कशाची तरी चिंता करतो    ! नाहीतर जुगाराच्या नादी  लागून पैसे मी हारतो ! वेळ घालवण्यासाठी मित्रासोबत पार्ट्या झोडतो ! बघ टुकार सिनमे पाहण्यात मग वेळ माझा   घालवतो ! मोबाईल वरील गेम खेळून चष्माचा नंबर वाढवतो ! ऐक शेवटी  नाहीतर मग तमाशालाच जावून  बसतो ! हे सर्व ऐकून  बायको गेली कि हो  घाबरून आणि म्हणाली अगदी ती  काकुळतीला येवून ऐका माझं भलतंच काही नका तुम्ही हो करू त्या पेक्षा राहू द्या तुमचा कवितेचा  छंद सुरु ! कवितेचा  छंद सुरु !! © महेश भा. रायखेलकर ...

मशीनमय माणुस माणुस आजकाल मशीनमध्येच फार गुंतलाय !! त्याला कारणही तसेच आहे कारण , मशीन द्वेष करत नाही मशीन कुत्सित हसत नाही ती टोमणेही मारत नाही ती पुढे पुढे ही करत नाही मशीन खाजगी प्रश्नात नाक खुपसत नाही ती फार अपेक्षाही ठेवत नाही तिला मानही  लागत नाही  आणि तिला अपमानही कळत नाही मशीन संपावर जात नाही ती रजा हि मागत नाही ती  पगारवाढही मागत नाही  आणि ती प्रमोशनही मागत  नाही मशीन कोणाच्या प्रेमात पडत नाही ती कोणाशी मैत्रीही करत नाही तीचे कोणाशी शत्रूत्व असत नाही आणि तिचे कोणाशी ममत्वहि असत नाही मशीन चिरीमिरी घेत-देत  नाही मशीन भाऊबंदकी सांभाळत नाही ती कोणाला लुबाडतही नाही आणि ती कोणाला पिळतहि नाही मशीन कोणाला छेडत नाही ती स्त्री- पुरुष असा भेद करत नाही ती जात-पात मानत नाही आणि ती कोण गरीब कोण श्रीमंत हे जाणतही नाही हे सर्व गुण-अवगुण माणसाचे अजूनतरी नाही लागले ते माणसानेच तयार केलेल्या मशीनला म्हणून तर माणूस आज मशीनमध्येच फार गुंतलाय © महेश भा. रायखेलकर

हायकू कविता सगळेच प्रश्न सुटत नसतात काही नशिबावर सोपवायचे असतात ====================== चूक करणार नाही तो माणूस कसला चंद्रही डागाळलेला ==================== मी म्हणेल तेच खरे असे नाही बरे मस्तवालपणा पुरे ================== तू वाट पाहशील म्हणून फोन केला बराच वेळ व्यस्त लागला =============== तुही ठाम मीहि निग्रही प्रेम करी काम ============= तुझा मला हेवा वाटतो उगीच का फसतो ============= मी तुझ्यावर मरतो तरीही जीवंत आजवर ============= पुन्हा पुन्हा तुझी आठवण येते मन व्याकुळ होते ============ दुस-याच्या खाजगी प्रश्नात नाक खुपसू नये केर आपल्या अंगणात ===============  योग्य ठिकाणी कामी यावे उगीच ना स्वतःला शिणवावे ================= ©  महेश भा. रायखेलकर

बापू बापू ! तुमचा 'अहिंसेचा' मंत्र आम्हाला रुचला नाही पण हिंसेनंही  कुठले प्रश्न सुटतील असे आता वाटत नाही !   बापू  ! तुमचे 'खेडया कडे  चला' हे म्हणणे आम्हाला पटले नाही पण आता रोजच पहातोय शहराचे मरण अगतिक पणे ! बापू !  तुमची 'स्वदेशीची' चळवळ आम्हाला भावली नाही पण आता विदेशी वस्तू वापरता वापरता आत्मादेखील गेलाय विदेशी होवून ! बापू !  तुमचा 'स्वच्छतेचा' वसा कधी आम्ही घेतलाच नाही पण आता घाणीच्या साम्राज्यांत जीव जातोय गुदमरून बापू ! तुमची 'साधी राहणी' आम्ही कधी अंगीकारलीच नाही पण आता पटतंय फक्त उच्चं राहणीमानाने व्यक्तीमत्व खुलत नाही ! बापू! तुमचा 'स्वावलंबनाचा' मंत्र कधी आम्हाला आवडला नाही पण आता समजून येतंय परावलंबनातल गुलामपणं !  बापू! हा देश 'बापूचा देश' म्हणून जगात ओळखला जातोय पण आम्ही करंटे मात्र  फक्त तुम्हाला नोटांमध्येच पहातोय! © महेश भा. रायखेलकर

राहून गेलं  कोणाला भेटावस वाटतं भेटून या परत वाटायला नको राहून गेलं! कोणावर प्रेम व्यक्त करायचं करून घ्या परत वाटायला नको राहून गेलं! कोणा गावाला जायचंय जावून या परत वाटायला नको राहून गेलं! एकाधी वस्तू खरेदी करायचीय  करून घ्या  परत वाटायला नको राहून गेलं! एकाधी कला शिकायचीय  शिकून घ्या  परत वाटायला नको राहून गेलं! एकाधा पदार्थ खावासा वाटतोय  खाऊन घ्या  परत वाटायला नको राहून गेलं! एकाधी स्टाईल करावीशी वाटते  करून घ्या  परत वाटायला नको राहून गेलं! एकाध्याला गिफ्ट द्यावीशी वाटते देवून टाका परत वाटायला नको राहून गेलं! एकाधा छंद जोपासावा वाटतो  जोपासा  परत वाटायला नको राहून गेलं! एकाधा खेळ खेळावा वाटतो खेळुन घ्या परत वाटायला नको राहून गेलं! हे राहून गेलं ते राहून गेलं असं म्हणता म्हणता कधी असं वाटायला नको अरे जगणंच राहून गेलं ! जगणंच राहून गेलं !! © महेश भा. रायखेलकर

मरण झालंय स्वस्त  कोणी पुरात वाहून जातो कोणी गर्दीत चेंगरून मरतो कोणी आगीच्या भक्षस्थानी पडतो तर कोणी सेल्फीच्या नादाने जातो कारण बाकी सगळं चाललंय मस्त फक्त मरण झालंय स्वस्त ! कोणी रस्ते अपघातात ठार होतो कोणी ब्लुव्हेल सारख्या गेम मध्ये संपतो कोणी कुपोषणाने मिटतो तर कोणी प्राण वायूच्या कमतरतेमुळे  जातो कारण बाकी सगळं चाललंय मस्त फक्त मरण झालंय स्वस्त ! कोणी निराश झाल्याने आत्महत्या करतो कोणी कर्जबाजारीमुळे स्वतः ला संपवतो कोणाचा व्यसनामुळे अंत होतो तर कोणी अन्नातून विषबाधेमुळे जातो कारण बाकी सगळं चाललंय मस्त फक्त मरण झालंय स्वस्त ! किड्यामुंग्या एवढी झालीयं माणसाच्या जीवाची किंमत ना  कसला खेद ना कसली खंत काहींचे अपघात , व्यवस्थेमूळे मरण कांही रचती स्वतःच्या हाताने स्वतःचे सरण © महेश भा. रायखेलकर

माझ्या हायकू कविता  मी बांधले शब्दांचे इमले लगेच कोसळले ************** तुझ्यात आहे काही तरी जादु कशी भेदु *************** देव काय बसल्याजागी देणार कसे होणार ***************** म्हणे मी देव पाहिला तुलाच कसा दिसला ****************** हसण्यावरी नेऊ नकोस माझी गोष्ट फारच शिष्ट **************** कोणत्याही कामाला फार वेळ दयावा लागतो मी कंटाळतो **************** सतत कंटाळा तुला कसा येतो कामाचा नाही लळा ******************* तो आहे कामाचा माणुस आहे खास ******************* एकतर प्रगती काहीच नाही नुसती अधोगती ****************** मी आहे एक कलाकार कशाची फिकीर ***************** ©  महेश भा. रायखेलकर

काही हायकू सगळं तुझ्या लक्ष्यात येईल जेव्हा मी सांगेल ************ अशी कोडयात बोलू नको सांग स्पष्ट शब्दात ************** आपण पाहतो तस जग असतं चूक आपल्या नजरेत ***************** एक तर काहीच बोलत नाहीस का टाळतेस ? ****************** दुस-याचा वापर करू नये फुटेल खापर ***************** आई-वडिलांची सेवा करा पुण्य भरा ***************** स्त्री ला कमी लेखू नका येईल सुनामी ***************** वचन दिले ते पाळावे करून दाखवावे ***************** कर्ता करविता तो मी फक्त निमित्तमात्र जगातील एक पात्र **************** नको अशी भिऊन तू जाऊस सांभाळून घेईन *************** ©  महेश भा. रायखेलकर

तथाकथित समाजसेवक  चला होवू द्या हवा, चला होवू द्या हवा मी करतो समाजसेवा, मी करतो समाजसेवा माझा सत्कार व्हायलाच पाहिजे मला एखादा पुरस्कार मिळालाच पाहिचे माझे पेपर मध्ये नाव आलेच पाहिजे चला होवू द्या हवा, चला होवू द्या हवा मी करतो समाजसेवा, मी करतो समाजसेवा माझी एखाद्या पदावर वर्णी लागलीच पाहिजे माझ्या नावाचे, फोटोचे फ्लेक्स बोर्ड लागलेच पाहिजेत प्रमुख पाहुणे म्हणून मला सभारंभाला बोलवलंच पाहिजे चला होवू द्या हवा, चला होवू द्या हवा मी करतो समाजसेवा, मी करतो समाजसेवा डॉ. प्रकाश आमटे, डॉ. अभय बंग, सिंधुताई सपकाळ,  डॉ. कोल्हे दांम्पत, मेधा पाटकर, अनंत कुमार, राजेंद्र सिंग , अण्णा हजारे, कैलेश सत्याथ्री आदींनी आपले आयुष्य लावले समाजसेवेसाठी तेही निरपेक्षपणे काय आपल्यालाही असे करता येईल येईलही त्यासाठी सोडून दयावा लागेल सेवेमधला स्वार्थ © महेश भा. रायखेलकर

एक देव अनेक रूपं  परवा मुलाने विचारले बाबा अल्ला   म्हणजे काय  ? मी म्हटलं....  देव ! पण नंतर विचार केला.....  खरंच तसं आहे  ? आपण तर देवाचीही विभागणी केलीय ! जसं कि ---- राम, श्रीकृष्ण, गणेश आदि देव हिंदूंचे मोहंमद पैगंबर ,आल्हा मुसलमानांचा येशू  ख्रिश्चनांचा गुरुनानक  शिखांचे महावीर जैनांचे गौतम बुद्ध बुद्धांचे आणि .... असे  अनेक खरं पाहिलं तर हि एकाच देवाची अनेक रूपं हे जेव्हा माणसाला कळेल तेव्हा धरतीवरच स्वर्ग अवतरेल ! © महेश भा. रायखेलकर

हायकू कविता भावनेचा माझ्या झाला कोंडमारा फाफट पसारा                                                       ************ तुझ्या सुखात माझं सुख प्रेमाची राख ************* नम्रपणाने जी कामे होतात ताठपणाने जातात *************** एक तर हो म्हण किंवा नाही नको वणवण ************** तू काय जादू केलीस मला माहित नाही बसला गळ्याला फास ***************  सासू-सुना दोघेही भांडखोर घरात किरकिर ***************** गप्पा मारून पोट भरत नाही भरते काम करून ***************** खोटे किती बोलावे यालाही सीमा असते सतत ना खपते ***************** उगाच का अडखळत बोलतेस प्रेमाला घाबरतेस **************** रहा बिनधास्त हसा मनसोक्त खा मस्त *************** ©  महेश भा. रायखेलकर

अन्याया विरुद्ध लढा कोणीतरी म्हटलंय अन्याया विरुद्ध लढा पण कस लढा? बायका-पोरांची काळजी वाटते घर-दाराची चिंता असते भविष्याची फिकीर सतावते तरी पण लढावे लागेल एखाद्या सैनिकासारखे एक सैनिक विचार करत नाही  सीमेवर लढतांना  आपल्या   शत्रूसोबत  आपल्या बायका पोरांचा, घरादाराचा, किंवा  भविष्याचा तो लढतो आपल्या देशासाठी, मातृभूमीसाठी, तिरंग्यासाठी आपल्यालाही तसेच करावे लागेल जर अंतर्गत अन्यायाविरुद्धची लढाई जिंकायची असेल  मातृभूमीच्या ऋणातून मुक्त व्हायचं असेल आंणि देशाला वैभवशाली बनवायचं असेल ©  महेश भा. रायखेलकर

काही हायकू इच्छाशक्ती मध्ये प्रचंड ताकत असते काहीही साध्य होवू शकते                                                                                                ******************* गैरसमजाने माणसे खूप दुरावतात समजावून न घेतात *************** हार म्हणजे शेवट नाही प्रयत्न केलेत  पाहिजे ***************** खेळात हार जीत तर होणारच खेळण्याचा आनंद फारच ******************** आपली शक्तीस्थाने पहिले ओळखा अगदी बारकाईने **************** रिकामं डोकं सैतानाचे घर काहीतरी कर ************** जात- पात मानू नका माणुसकीचा घात ************** कामा मध्ये मन गुंतवा यशाची हवा ************* आळस द्या सोडून पुरता यशा करता ********** एकमेकांचे पाय खेचू नका शत्रूचा धोका *************** ...

काही हायकू या जगात कोणाचे कोणावाचून नाही अडत **************** जीवनात चार माणसे जोडा ताठपणा सोडा ************* दुस-याही म्हणावे कधी चांगले होईल भले ************** स्वतःबद्धल चांगला विचार करा परक्यांना का विचारा **************** दुस-याचा हक्क हिरावू नका सांगतो चोर चक्क ************** संसारात तडजोड केली पाहिजे मीपणा सोड ************* हसरा माणूस चांगला दिसतो दुःख लपवितो ************ निखळ करमणूक घालवून टाकते मनाची दमणूक ************* संसार एकटाचा नसतो दोघांचा असतो कधीकधी  त्यातील एकच सारखा मरतो ****************** संसार वेलीवर उमलते  फूल सुखाची चाहूल **************** © महेश भा. रायखेलकर 

काही हायकू चांगल्या गोष्टीचे जरूर कौतुक करावे                                                                                                               हात आखडून न घ्यावे                                                                                                               ***************** प्रत्येक धर्म/ जातीचा आदर करावा...

काही हायकू तू दिसतेस अगदी फुलासारखी काट्यात का येतेस *************** माणूस अपमान विसरू शकत नाही   राखावा मान   ************* संकटातच खरी कसोटी लागते सुखाचे सर्व वाटेकरी                                                                                 *************** टिका सहन करायला शिका निघा तावूनसुलाखून **************** दुस-याला आपला फायदा उठवू देवू नका होईल वांदा ****************** लक्षापासून विचलित होवू नका असंख्य  अडथळे वाटेत ******************* स्वप्न मोठी असावीत जागेपणी पहावीत ****************** संकल्प नुसते कागदावर नसावेत अमलात आणावेत **************** अहंकारी माणूस आंधळा असतो स्वतःलाच पुजतो ************** शब्द बाणासारखा एकदा सुटला नाही परतला *************** © महेश भा. रायखेलकर 

हायकू कविता जो तो आहे येथे शहाणा काहीही म्हणा                                                                                                ************* तूच नाहीस तर कसली गंमत आपली पंगत ************** कोण कसं वागेल काही सांगता येत नाही मन चलबिचल ****************** रोज तेच तेच करून येतो कंटाळा पाहिजे विरंगुळा ***************** माझे तुझे नाही पटत चल कोर्टात **************** मीच का सतत चांगले वागावे गोत्यात यावे ***************** सतत अशी भांडू नकोस होतो त्रास ****************** मीच का माघार घेवू कमीपणा मलाच का ******************* चाळीशी आली की चष्मा लागतो चौफेर पहातो ******************* रामराज्य येणे शक्य नाही सरकारचे रडगाणे ******************** © महेश भा. रायखेल...

काही हायकू  दुस-याच्या घरात नको ढवळाढवळ होईल खळबळ *************** कामात दिरंगाई केली असता खाव्यालागतील खस्ता ***************** खात्री करा मग बोला नको पाणउतारा ****************** तुलाच काय मलाही माहित नाही असे काही ****************** कधी काहीही होवू शकतं धैर्य खचतं ******************* मीच काय कोणीही सांगेन त्यात काय ******************* आपलं काय चुकतंय ते बघा काहीतरीच काय ******************* कोणीही उठून काहीही करा लोकशाहीचा मारा ******************* आजकाल पुढारी झालेत फार कार्यकर्ते सुमार ******************** राजकारणात सर्व सोंगें करावी लागतात कलाकार नाटकात ******************* ©  महेश भा. रायखेलकर

शेतकरी रक्ताच्या घामाचे बी  जमिनीत पेरतो पावसाची वाट टक   पाहत बसतो अवकाळी ने मात्र पुरता मोडूनी जातो उभी पीकं आडवी झालेली डोळ्याने पाहतो ! म्हणतात मला मी आहे अन्नदाता आहे का हो मला कोणी त्राता मलाही वाटे चांगले दिवस यावे चार घास बायका पोरांना घालावे ! सावकार काढतो मला पिळुनी कर्जातच जातो मी मरुनी कसे आहात तुम्ही सर्व  धोरणी पोटभर खाउनी झोपता घोरुणी ! मी अन्नदाता तर का मी उपाशी ? माझाच घास पळवण्यास का सर्व अधाशी ? मी श्रमदाता  जर मी कष्टकरी माझ्याच नाशिबी का सदाच मीठभाकरी ? अंगावर बायकोच्या माझ्या फाटक लुगडं नेहमीच पोर माझ अर्ध नागडं मी पांघरे  ओबढधोबड घोंगड साला आमचं नशिबच लंगड ! सरकार आमचे मायबाप कवडीमोलाचे योजनेचे पदरात माप डोस्कं चालवुनी करा असा अचार ज्यामुळे होणार नाही मी लाचार ! नका नका पाहू माझा असा अंत ज्वालामुखीला नका करू वर वर शांत झाला जर सर्वाचा कडेलोट मोडुनी पडेल तुमच्या सत्तेचा सारीपाट ! मोडुनी पडेल तुमच्या सत्तेचा सारीपाट !! ©  महेश भा. रायखेलकर  ...

डे प्रेम व्यक्त करण्यासाठी ' व्हॅलेटाईन- डे" लागतो नल-दमयंती च्या तरल प्रेमाला चक्क आम्ही विसरतो मैत्रीची महती साठी 'फ्रेइण्डशिप- डे' लागतो कृष्ण-सुदामाच्या निर्व्याज मैत्रीला  चक्क आम्ही विसरतो आई वरच्या प्रेमासाठी ' मदर्स-डे' लागतो साने गुरुजींच्या श्यामच्या- आई ला चक्क आम्ही विसरतो बापासाठी  आम्ही 'फादर्स- डे' साजरा करतो म्हातारपणी त्याला आधार द्यायला मात्र चक्क आम्ही विसरतो फुलांची देवाणघेवाण साठी आम्हाला रोझ-डे लागतो अंगणातील पारिजातकाचा सुगंध घ्यायला चक्क आम्ही विसरतो जिभेचे चोचले पुरवायला 'चॉकलेट-डे ' लागतो नात्यातील गोडवा राखण्यास चक्क आम्ही विसरतो अश्याप्रकारे सगळ्या 'डे' चे 'सेलिब्रेशन' आम्ही करतो आपल्या परंपरागत उत्सवांना मात्र चक्क आम्ही विसरतो © महेश भा . रायखेलकर