तेव्हा मी X आता मी
मला पाहिजे होती दिक्षितांची माधुरी,
राहिली ती कहाणी माझी अधुरी !
ऐश्वर्या ची देखिल होती मला आशा,
तिने देखिल केली माझी घोर निराशा !
मी होतो तेव्हा रजनीकांत,
आता नुसताच मी शांत शांत !
मी होतो तेव्हा शाहरुख,
आता नुसतीच मनात रुख रुख !
मी राखत होतो तेव्हा हिप्पी,
अर्ध्या डोक्याची झाली आता माझ्या चंपी !
तेव्हा चाले मी फार ऐटीत,
आता बसतो गुडघे मी टेकित !
तेव्हा होतो एकटा मी सदाशिव,
आता बायको खाई माझा जीव !
तेव्हा पाहत होतो सदाच मी सिनेमे,
आता पाहतो घरातली मी कामे !
तेव्हा होतो ऎन मी जवानीत,
आता बसे काकाच्या मी पंक्तीत !
तेव्हा चाले माझाच करिश्मा,
आता डोळ्याला लागलाय माझ्या चष्मा !
तेव्हा नसे खर्चाचा माझा ताळेबंद,
आता हिशोबाचा जडलाय मला छंद !
तेव्हा होतो अगदी मी सडपातळ,
आता पोटाची सुटलीय माझ्या आयाळ
तेव्हा फिरे मी अगदी मोकाट,
आता काम मोडी माझे पेकाट !
तेव्हा येई माझ्या स्वप्नात राणी,
आता झोपतो मी भरुनी घरचे पाणी !
तेव्हा गाई मी प्रेमाची मधुर गाणी,
आता धावतोय मी कमवायला नाणी !
तेव्हा सारी दुनिया वाटे प्यारी प्यारी,
आता झालो मी पक्का संसारी !
आता झालो मी पक्का संसारी !!
Comments
Post a Comment