असं कधी होत का ?
अमावस्याच्या भीतीने
पौर्णिमेचा चंद्र पाहण्याचं
कोणी सोडतं का ?
निर्माल्यचं होणार म्हणून
फुल फुलायचं
कधी थांबतं का ?
प्रेमभंग होईल म्हणून
प्रेमात पडायचं
कोणी टाळतं का ?
पानगळीच्या भीतीने
झाड बहरण्याचं
कधी थांबवत का ?
खेळ खेळायचं
कोणी सोडतं का ?
अस्त होणार म्हणून
सूर्य उगवायचा
कधी थांबतो का ?
स्वप्नभंग होईल म्हणून
स्वप्न पाहण्याचं
कोणी थांबवत का ?
रात्र होणार म्हणून
दिवस उजडायचा
कधी रहातो का ?
अपयशाच्या भीतीने
कोणी प्रयत्न करण्याचं
कधी सोडतं का ?
कापणीच्या भीतीने
कोणतं पीक उगवायचं
कधी राहतं का ?
शेवटी मरणाच्या भीतीने
जीवन जगण्याचं
कोणी सोडतं का ?
© महेश भा. रायखेलकर
Comments
Post a Comment