आई
आई म्हणजे असते आपल्यातील ईश्वर
मूल पहिल्यांदा बोले `आई ' हेच अक्षर !
आई म्हणजे असते मायेचे अंथरुण
विसावासाठीचे ते एक उबदार पांघरुण !
आई म्हणजे असते दुधावरची साय
कोणी म्हणे तिला माउली, तर कोणी माय!
आईच्या हातचे कोणतेही अन्न
जिभेला लागे जसे ते पक्वान्न !
आई जेव्हा फीरवे पाठीवरुन हात
शीण सारा जाई विसरून एका क्षणात!
आईच्या आशीर्वादात एवढी ताकद
कोणत्याही संकटावर मूल सहज करी मात!
आईचे मुलावर प्रेम निरागस
जसे हरणिचे निष्पाप पाडस !
आईला वाटे आपलं मूल सदाच छोटं
जरी ते झाले कितीही मोठं !
आई जरी असली आपल्यापासून दूर
तिची नजर सतत आपल्या पिंल्लावर!
आईच्या पोटी जन्म घेई साक्षात विधाता
तिला पूजण्यास तोहि माने धन्यता !
महेश भा. रायखेलकर
Comments
Post a Comment