युती

कमळ म्हणे धनुष्याला आपण दोघे भाऊ भाऊ
चल दोघे मिळुनी सत्तेचा मेवा खाऊ !

निवडणुका आधी मोडली आपण युती
बघितली  सत्ता येते का  एकहाती !

प्रचारात केली एजमेकावंर  येथेच्छ चिखलफेक
जनतेसाठी होती ती एक धूळफेक !

काढली एक दुस-यांची उकरूनिया पाप
जनतेच्या डॉकयाला दिला पुरता आपण ताप !

पारदर्शकता, मराठी अस्मिता असे  वापरले  मोठं -मोठे  शब्द
तरी माहित नाही जनतेने का द्यावा असा प्रतिसाद !

 आता म्हणूया युती शिवाय नाही कोणताच पर्याय
पहिलेच सुचायला पाहिजे होता आपणास हा रामबाण उपाय !

ऐक आता ताणू नकोस तू तुटेपर्यंत तुझा बाण
राखावी आपणच आपली पत आणि शान !

थोडे कमी थोडे जास्त चाखु सत्तेचे आपण लोणी
हात , घड्याळ, हत्ती , ईजिंन नको पतंग कोणी !

सत्ता आल्यानंतर परत करू एकमेकांचा दुस्वास
यातून वेळ मिळाल्यास साधू राज्याचा विकास !

सांभाळ, नको सोडूस तू आमच्या राज्यावर बाण
नाही सहन होत आम्हास असा केलेला  अपमान !

पाच वर्षानंतर परत वठवू असेच  पुन्हा नाटक
त्याशिवाय कशी होणार जनतेची करमणूक !

चल दोघे आता ऐकू मतदारराजा चा   कौल
नाहीतर तोच करेल नंतर आपणास सत्तेतून बेदखल !


© महेश भा. रायखेलकर