पहिले काढूया सेल्फी
मंदिरात गेलोत
देवदर्शन राहिलं बाजूला
पहिले काढूया सेल्फी !
हॉटेलात गेलोत
जेवण राहिलं बाजूला
पहिले काढूया सेल्फी !
कुठल्या कायर्क्रमाला गेलोत
मनोरंजन राहिलं बाजूला
पहिले काढूया सेल्फी !
लग्नाला गेलोत
अक्षता टाकायच्या दिल्या सोडून
पहिले काढूया सेल्फी !
सहलीला गेलोत
सहलीचा आनंद राहिला बाजूला
पहिले काढूया सेल्फी !
कोणत्या स्पर्धेत भाग घेतला
स्पर्धा राहिली बाजूला
पहिले काढूया सेल्फी !
थोर व्यक्तीच्या भेटीत
त्यांचे विचार ऐकायचे सोडून
पहिले काढूया सेल्फी !
निसर्गाच्या सानिध्यात
त्याचे सौन्दर्य अनुभवायचे सोडून
पहिले काढूया सेल्फी !
प्रेक्षणीय स्थळाला भेट दिली
त्याचे वैभव पाहायचे सोडून
पहिले काढूया सेल्फी !
मित्रमंडळी- नातेवाईकांना खूप दिवसांनी भेटलोत
सुख- दुःखाची देवाणघेवाण करायची सोडून
पहिले काढूया सेल्फी !
समाजसेवा करण्यामध्ये देखील
सेवा राहिली बाजूला
पहिले काढूया सेल्फी !
या सेल्फीच्या नादाने
पडलो इतके स्वतःच्याच प्रेमात
वाटे आपल्या सारखे कोणीच
नाही या जगात !
वाटे आपल्या सारखे कोणीच
नाही या जगात !!
महेश भा. रायखेलकर
(०२.०३.२०१७)
Comments
Post a Comment