चला करुया

आपलीच कोणी बहीण आहे अडाणी,
चला बघुया  घेता येईल का तिची शिकवणी !

आपलाच कोणी बांधव राहतो वस्त्रावीण उघडा,
चला त्याच्या अंगात घालू  नवीन कपडा !

बापासम आपल्या कोणी वृद्ध आहे उपाशी ,
चला देवु आपल्यातील चटणी भाकर त्याशी !

कोणी आपलीच  माता होई आजाराने बेजार,
चला करुया तीच्यावर औषधोपचार !

आपलीच काही लेकरं आहेत निराधार,
चला बनून पालक त्यांचे देवूया आधार !

आपल्याच  काही घरातील अंगणे पडलीत  घाण,
चला साफ  करुनी त्यांना बनवूया छान !

 आपल्याच  काही घरातील माठ पडले   कोरडी,
चला टाळूया करायला पाण्याची नासाडी !

गौरवाने म्हणतो आपण `सारे विश्वच माझे घर'
चला त्या दिशेने उचलूया पाऊले चार !
चला त्या दिशेने उचलूया पाऊले चार !!

© महेश भा. रायखेलकर