सत्कर्माची 'श्रद्धा'

तुम्ही लोकांना संकटात मदत करा,
हजारो हात येतील तुम्हास मदतीस, तुमच्या  संकटात !
यालाच म्हणतात जसे पेराल तसेच उगवेल !!

तुम्ही लोकांना यशाचा मंत्र  शिकवा,
ते करतील तुमच्या यशाची विधात्त्याकडे कामना !
यालाच म्हणतात जसे पेराल तसेच उगवेल !!

तुम्ही  निराधाराचा व्हा आधार,
जीवनात कधीच होणार नाहीत तुम्ही निराधार !
यालाच म्हणतात जसे पेराल तसेच उगवेल !!

तुम्ही भुकेल्याला अन्न द्या,
अन्नदेवता असेल कायमची तुमच्यावर प्रसन्नः !
यालाच म्हणतात जसे पेराल तसेच उगवेल !!

तुम्ही दुस-याला  आनंद द्या,
दुखा:ची सावली नाही पडणार तुमच्या आयुष्यावर !
यालाच म्हणतात जसे पेराल तसेच उगवेल !!

तुम्ही लोकांस मान- सन्मान द्या,
इतरही   होतील तुमच्या समोर विनम्र !
यालाच म्हणतात जसे पेराल तसेच उगवेल !!

तुम्ही लोकांचा द्वेष करा,
 लोक पाहतील तुम्हाला  पाण्यात !
  यालाच म्हणतात जसे पेराल तसेच उगवेल !!

तुम्ही सत्कर्माविषयी बाळगावी  श्रद्धा
ईश्वर ही उभा राहील  पाठी सदा
दुष्कर्माची होऊ देउ नये  बाधा
रहावे  डोळस बनुनी  न व्हावे  अंधा !
रहावे  डोळस बनुनी  न व्हावे  अंधा !!

© महेश भा. रायखेलकर