-
पुढारी


मी  या गावचा पुढारी
नका दाखवु मला तुमची हुषारी
मी करेल कोणताही चमत्कार
मला पाहूनी घाला तुम्ही नमस्कार !

नका पुसू मला  शिक्षण-बिक्षण
नाही लागले त्यात माझे कधीच मन
मला नसे कोणतेही बंध
मुल्य-संस्कारांशी माझा काय संबंध !

मी घालतो कपडे व्हाईट
नजर आहे म्हंति माझी वाईट
मी म्हणे समाजाचे कल्याण करीन
असे केले तर मी उपासी मरीन !

मी म्हणेल ते केलेच पाहिजे
समाजाचे माझ्यावर अपेक्षांचे ओझे
पैशाचा आहे माझ्याकडे रतीब
त्यामुळे पटकावेल मी कोणताही किताब !

पाळतो मी नेहमीच गुंड
शमवेल मी कोणतेही बंड
जरी सुटला माझ्या पोटाचा नगारा
चहूकडे आहे माझा दरारा !

म्हणे मी करतो राजकारण
हे तर आहे माझे समाजकारण
नका घेऊ शंका तुम्ही विनाकारण
या मधून साधले मी अर्थकारण !

पाच वर्षात एकदा मागेल जोगवा
नका घेऊ नंतर तुम्ही माझा मागोवा
मी काय घेतलाय सगळ्यांचा मक्ता
फ्यामिली साठी  राबवतोय मी  सत्ता !

असलो जरी   मी गावचा पुढारी
आहे  एक  स्वप्न माझ्या ऊरी
घेईल एके  दिवशी उंच भरारी
होईल स्वागत माझे  दिल्ली दरबारी !
होईल स्वागत माझे  दिल्ली दरबारी !!

© महेश भा. रायखेलकर 



Comments

Post a Comment

Popular posts from this blog

-
Image
" या ऊर्जेचे करायचे काय ?"  छावा चित्रपट आज सर्वत्र गाजतोय. कधी नव्हे ते चित्रपटगृह परत  एकदा प्रेक्षकांनी तुडूंब भरलेली  आहेत. त्याला कारण ही तसेच आहे या चित्रपटात असलेली सर्वांचे आराध्य दैवत असलेल्या छत्रपती शिवाजी महाराज यांच्या पुत्राची कहाणी म्हणजेच शुरवीर छत्रपती संभाजी महाराजांची कहाणी , त्यांच्या बलिदानाची कहाणी. विकी कौशल याने छत्रपती संभाजी महाराजांची भूमिका नुसती केली नाही तर भूमिका जगणे म्हणजे काय हे त्याच्या अभिनयातून त्याने दाखवून दिले आहे. औरंगजेबाच्या भूमिकेत अक्षय खन्ना जबरदस्तच. दिग्दर्शक लक्ष्मण उतेकर ज्यांनी एवढा उत्कृष्ट चित्रपट बनविला ते  अभिनंदनास पात्र आहेत.  छत्रपती शिवाजी महाराज यांनी रयतेचे निर्माण केलेले स्वराज्य जिथे सर्व जाती धर्माची माणसे सुखाने, आनंदाने राहू शकतील . स्त्रियांचा सन्मान केला जाईल. जाती-धर्माला कोणतीही हानी पोहोचणार नाही . त्यांचाच वसा घेतलेला त्यांचा छावा छत्रपती संभाजी महाराज स्वराज्याची धुरा मोठया हिंमतीने गनिमाशी मूख्यत्वे औरंगजेबाची दोन हात करत सांभाळत असतात. दुर्दैवाने फितुरीमुळे त्यांना कैद होते. आणि शेवटी देश...
Read more
-
Image
हायकू कविता गेले ते दिवस राहिल्या आठवणी डोळ्यात येई पाणी माझी नजर दूर जाते ती जवळ येते मनाच्या कुपीत आहे ती अजून माझे गोड गुपितं स्त्री  असुरक्षित कायदा व्यवस्था टांगलीय वेशीत मला  नसे कोणताही धर्म माणुसकी हेच माझे मर्म दिवस जाता जाईना रात्र सरता सरेना काळ पुढे सरकेना तो अजून लहान मोठा जेव्हा होईल 'व्यवहार' त्याला कळेल पैशाशिवाय मोठे जगात काही नाही तत्व मूल्य हरवले कोठे किड्यामुंग्यांसारखे माणसाचे जीवन रोज रोज मरतो परत परत जगतो फुलपाखरासारखे मी हि उडावे अलगद जगावे ©  महेश भा. रायखेलकर
Read more
-
Image
  'ती' सध्या घाबरते  अन्यायाविरुद्ध दाद मागायला 'ती' सध्या घाबरते ! नोकरीच्या ठिकाणी  जाण्यास 'ती' सध्या घाबरते! एकटीने प्रवास करण्यास 'ती' सध्या घाबरते! सातच्या नंतर बाहेर पडण्यास 'ती' सध्या घाबरते! शहरात  एकटीने राहण्यास 'ती' सध्या घाबरते! मनाजोगता पेहराव करण्यास 'ती' सध्या घाबरते! कॉलेज ची वाट चालण्यास  'ती' सध्या घाबरते! क्लासेस , ट्यूशन च्या  रस्त्यावरून जाण्यास  'ती' सध्या घाबरते! मुक्तपणे जीवन  जगण्यास  'ती' सध्या घाबरते! गर्दीच्या ठिकाणी जाण्यास  'ती' सध्या घाबरते! नात्यावर विश्वास ठेवण्यास  'ती' सध्या घाबरते! स्वतःच्या  भावना व्यक्त करण्यास ' ती' सध्या घाबरते! पुरुष जातिशी  मैत्री करण्यास  'ती' सध्या घाबरते! सिनेमे , सहली , हॉटेल  मद्धे  जाण्यास  'ती' सध्या घाबरते! उत्सवा मद्धे सहभाग घेण्यास ' ती' सध्या घाबरते! शिक्षणासाठी  बाहेर राहण्यास  'ती' सध्या घाबरते!  ती सध्या घाबरते, ती सध्या घाबरते ...
Read more