जसे पेराल तसेच उगवेल
तुम्ही लोकांना संकटात मदत करा
हजारो हात येतील तुम्हास मदतीस जेव्हा तुम्ही असाल संकटात
यालाच म्हणतात जसे पेराल तसेच उगवेल !
तुम्ही लोकांना यशाचा मंत्र शिकवा
ते करतील तुमच्या यशाची विधात्त्याकडे कामना
यालाच म्हणतात जसे पेराल तसेच उगवेल !
तुम्ही निराधाराचा व्हा आधार
जीवनात कधीच होणार नाहीत तुम्ही निराधार
यालाच म्हणतात जसे पेराल तसेच उगवेल !
तुम्ही भुकेल्याला अन्न द्या
अन्नदेवता असेल कायमची तुमच्यावर प्रसन्नः
यालाच म्हणतात जसे पेराल तसेच उगवेल
तुम्ही दुसराला आनंद द्या
दुखा:ची सावली नाही पडणार तुमच्या आयुष्यावर
यालाच म्हणतात जसे पेराल तसेच उगवेल !
तुम्ही लोकांस मान सन्मान द्या
दुसरे होतील तुमच्या समोर विनम्र
यालाच म्हणतात जसे पेराल तसेच उगवेल !
तुम्ही लोकांचा द्वेष करा
लोक पाहतील तुम्हाला पाण्यात
यालाच म्हणतात जसे पेराल तसेच उगवेल !
जसे पेराल तसेच उगवेल !!
© महेश भा. रायखेलकर
Comments
Post a Comment