-



लहानपण देगा देवा ... 

देवा तुझ्याकडे मागतो एक छोटसं मागणं
कर मला परत  एकदा  लहान
असेल निर्व्याज, निर्मळ, सुंदर मन
नसेल वासना, असूया, इर्षेची त्यात घाण !

घालेल मी कोणताही पेहराव
फॅशनची नसेल कसलीच हाव
झाली जरी मित्रांसोबत भांडणे आणि कट्टी
थोड्यावेळातच जमून जाईल आमची पुन्हा गट्टी !

नसेल घड्याळ्याच्या काट्यावरची कसरत
खेळत घालवील दिवस रमत-गमत
नसेल कोणतीच माझ्यावर जबाबदारी
आयुष्य असेल ते फारच भारी !

नसेल कोणती चिंता आणि घोर
रंगवेन मी छान चित्रातील मोर
जरी कधी बसलो मी रुसुन
हट्ट पुरवला की बघेन हसून !

नसेल कोणतीच स्पर्धा ही जीवघेणी
नाचत म्हणीन मी बडबड गाणी
सगळं जग वाटेल मला छान-छान
रमून जाईल त्यात माझे बालपण !

सगळेच करतील माझा लाड
लाडाने आई-बाबा म्हणतील आहे मी लबाड
नाही लागणार मला मान आणि सन्मान
माहित नसेल मला काय असतो अपमान !

नसेल जाती-पातीचा मनात विचार
गरीबी-श्रीमंती ना पडणार वागण्यावर  असर
दंगा-मस्ती करण्यास मिळाले सवंगडी चार
आनंदाचा सोहळा होईल साकार !

काय कामाचे देवा असले हे मोठेपण
जीव माझा गेला पुरता  रे  वैतागून
जगावे लागते खोटे मुखवटे घालून
हरवून बसलो त्यातच माझे मीपण !
हरवून बसलो त्यातच माझे मीपण !


© महेश भा. रायखेलकर








Comments

Post a Comment

Popular posts from this blog

-
Image
" या ऊर्जेचे करायचे काय ?"  छावा चित्रपट आज सर्वत्र गाजतोय. कधी नव्हे ते चित्रपटगृह परत  एकदा प्रेक्षकांनी तुडूंब भरलेली  आहेत. त्याला कारण ही तसेच आहे या चित्रपटात असलेली सर्वांचे आराध्य दैवत असलेल्या छत्रपती शिवाजी महाराज यांच्या पुत्राची कहाणी म्हणजेच शुरवीर छत्रपती संभाजी महाराजांची कहाणी , त्यांच्या बलिदानाची कहाणी. विकी कौशल याने छत्रपती संभाजी महाराजांची भूमिका नुसती केली नाही तर भूमिका जगणे म्हणजे काय हे त्याच्या अभिनयातून त्याने दाखवून दिले आहे. औरंगजेबाच्या भूमिकेत अक्षय खन्ना जबरदस्तच. दिग्दर्शक लक्ष्मण उतेकर ज्यांनी एवढा उत्कृष्ट चित्रपट बनविला ते  अभिनंदनास पात्र आहेत.  छत्रपती शिवाजी महाराज यांनी रयतेचे निर्माण केलेले स्वराज्य जिथे सर्व जाती धर्माची माणसे सुखाने, आनंदाने राहू शकतील . स्त्रियांचा सन्मान केला जाईल. जाती-धर्माला कोणतीही हानी पोहोचणार नाही . त्यांचाच वसा घेतलेला त्यांचा छावा छत्रपती संभाजी महाराज स्वराज्याची धुरा मोठया हिंमतीने गनिमाशी मूख्यत्वे औरंगजेबाची दोन हात करत सांभाळत असतात. दुर्दैवाने फितुरीमुळे त्यांना कैद होते. आणि शेवटी देश...
Read more
-
Image
हायकू कविता गेले ते दिवस राहिल्या आठवणी डोळ्यात येई पाणी माझी नजर दूर जाते ती जवळ येते मनाच्या कुपीत आहे ती अजून माझे गोड गुपितं स्त्री  असुरक्षित कायदा व्यवस्था टांगलीय वेशीत मला  नसे कोणताही धर्म माणुसकी हेच माझे मर्म दिवस जाता जाईना रात्र सरता सरेना काळ पुढे सरकेना तो अजून लहान मोठा जेव्हा होईल 'व्यवहार' त्याला कळेल पैशाशिवाय मोठे जगात काही नाही तत्व मूल्य हरवले कोठे किड्यामुंग्यांसारखे माणसाचे जीवन रोज रोज मरतो परत परत जगतो फुलपाखरासारखे मी हि उडावे अलगद जगावे ©  महेश भा. रायखेलकर
Read more
-
Image
  'ती' सध्या घाबरते  अन्यायाविरुद्ध दाद मागायला 'ती' सध्या घाबरते ! नोकरीच्या ठिकाणी  जाण्यास 'ती' सध्या घाबरते! एकटीने प्रवास करण्यास 'ती' सध्या घाबरते! सातच्या नंतर बाहेर पडण्यास 'ती' सध्या घाबरते! शहरात  एकटीने राहण्यास 'ती' सध्या घाबरते! मनाजोगता पेहराव करण्यास 'ती' सध्या घाबरते! कॉलेज ची वाट चालण्यास  'ती' सध्या घाबरते! क्लासेस , ट्यूशन च्या  रस्त्यावरून जाण्यास  'ती' सध्या घाबरते! मुक्तपणे जीवन  जगण्यास  'ती' सध्या घाबरते! गर्दीच्या ठिकाणी जाण्यास  'ती' सध्या घाबरते! नात्यावर विश्वास ठेवण्यास  'ती' सध्या घाबरते! स्वतःच्या  भावना व्यक्त करण्यास ' ती' सध्या घाबरते! पुरुष जातिशी  मैत्री करण्यास  'ती' सध्या घाबरते! सिनेमे , सहली , हॉटेल  मद्धे  जाण्यास  'ती' सध्या घाबरते! उत्सवा मद्धे सहभाग घेण्यास ' ती' सध्या घाबरते! शिक्षणासाठी  बाहेर राहण्यास  'ती' सध्या घाबरते!  ती सध्या घाबरते, ती सध्या घाबरते ...
Read more