रंग माझ्या लेखणीचे

चला करुया आपलीच कोणी बहीण आहे अडाणी, चला बघुया  घेता येईल का तिची शिकवणी ! आपलाच कोणी बांधव राहतो वस्त्रावीण उघडा, चला त्याच्या अंगात घालू  नवीन कपडा ! बापासम आपल्या कोणी वृद्ध आहे उपाशी , चला देवु आपल्यातील चटणी भाकर त्याशी ! कोणी आपलीच  माता होई आजाराने बेजार, चला करुया तीच्यावर औषधोपचार ! आपलीच काही लेकरं आहेत निराधार, चला बनून पालक त्यांचे देवूया आधार ! आपल्याच  काही घरातील अंगणे पडलीत  घाण, चला साफ  करुनी त्यांना बनवूया छान !  आपल्याच  काही घरातील माठ पडले   कोरडी, चला टाळूया करायला पाण्याची नासाडी ! गौरवाने म्हणतो आपण `सारे विश्वच माझे घर' चला त्या दिशेने उचलूया पाऊले चार ! चला त्या दिशेने उचलूया पाऊले चार !! ©  महेश भा. रायखेलकर 

येऊ द्या मला या जगात  नका आई बाबा नका मला मारू, मी तुमच्या रक्ताचे आहे की हो लेकरू ! नका, नका , नका बनू असे तुम्ही  असुरी, आपल्याच काळजावर चालवता काहो  कुणी  सुरी ! चला येऊ द्या मला या जगात, आजी आजोबांची असेन  मी लाडकी नात ! नका घेऊ आता कोणतीही आडकाठी, तुमच्या म्हातारपणाची बनेन मी काठी ! बनेन कोणाची बहीण आणि   सून , करा माझ्या जन्माचे स्वागत हसून   ! येण्याआधीच माझे नका करू बंद दार, तुमच्या ऋणात मी आजन्म राहणार ! द्या देवाच्या दानाला तुम्ही प्रतिसाद,  माझ्या जन्माचा करा , साजरा आनंद ! माझ्या जन्माचा करा,  साजरा आनंद !! ©  महेश भा. रायखेलकर 

सेल्फी  कर विचार तू धोक्याच्या ठिकाणी  काढतांना 'सेल्फी ', मृत्यू नाही खाणार ना  तूला, तुझी करुनी कुल्फी ! कसला हा जडला प्रसिद्धीचा हव्यास, जीवाचीही पर्वा करेना माणूस  आज ! करू नकोस कोणतेही वेडे  धाडस, तू आहेस रे कोणाचातरी  श्वास ! मान्य हौसेला नसे कोणतेही मोल, पण जीवन त्या पेक्षा आहे रे अनमोल ! वेळीच 'सेल्फी ', या व्यसनाला लावा रोक कॅन्सर पेक्षा भयानक पसरे हा रोग ! नुसते 'सेल्फी ' काढण्यात आले कसले रे कर्तृत्व, कोणाच्यातरी शोधा मूळे मिळाला तूला हा  वाव ! मिळव तूही  तुझ्या जीवनास अशी  काही मान्यता , तुझ्या सोबत 'सेल्फी ' काढण्यात मानतील इतर धन्यता !! तुझ्या सोबत 'सेल्फी ' काढण्यात मानतील इतर धन्यता !! ©  महेश भा. रायखेलकर